هل الأفكار لها لون؟ السؤال ده غريب بالنسبة للناس اللي بتقرا النصوص باعتبارها كلام صافي، خط أسود على صفحة بيضا، كلام بينعش دماغ الناس زي ما السحاب بيروي الأرض.

حتى لو البصر ما كانش الحاسة الطاغية عند كل الشعوب، نقدر نقول إن البصر هو الحاسة الطاغية في الدولة القومية الحديثة.

ستولر بتكشف إن الوثائق اللي كانت متعلمة «سري» أو «سري للغاية» ما كانش فيها دايمًا أسرار بالمعنى الحرفي، لأن الوثائق بتتكلم عن مواضيع شائعة حتى عند الناس في الشارع.

منين الناس دي كلها؟ أو لو صححت السؤال، مين الناس دي كلها؟ يبدو إننا في تعاملنا اليومي بقينا مش بس كارهين الزحمة في الشوارع، إنما كمان إحنا كارهين إننا ننزل من بيوتنا ونتعامل مع ناس ما نعرفهاش

ما نقدرش نقول إن القراءة عبارة عن فعل واحد وموحَّد، يهدف إلى استخراج معاني مدفونة جوة النص، لأن كل واحد يقدر يستخرج معاني مختلفة بأشكال مختلفة حسب قراءته وخلفيته واهتماماته.

تأثير الدولة مقال لشهاب الخشاب خاص بـ Boring Books يحتفظ الكاتب بحقه في المساءلة الأخلاقية والقانونية إذا تمت الاستعانة بمقاله دون إذن منه. *** ليه الناس بتهاجم الدولة؟ دي مصر (عارفين يعني إيه مصر؟) لها كل الفضل عليكم. ورضّعتكم وأكّلتكم وشرّبتكم ولبّستكم. وبدل ما تبقوا حرافيش ورعاع بقيتوا مواطنين محترمين ببطاقات وباسبورات. وبدل ما تبقوا […]

مفيش حاجة اسمها «ثقافة جادة» في المطلق، واللي بيدَّعي إنه «مثقف جاد» ما يقدرش يبقى مثقف بجد إذا ما فكرَّش بجدوى في معنى الثقافة.

ما نقدرش نستخدم الفلوس كمعيار لقياس الثروة والقوة والوضع الاجتماعي. ما نقدرش نقول إن اللي ماسك فلوس بالضرورة ثري، واللي مش ماسك فلوس بالضرورة فقير، لأن الفلوس بتروح وبتيجي

لتعميم الأخلاقي بخصوص أسباب الفقر مالوش معنى إلا في إطار العنف الطبقي السائد.

ما نقدرش نعتبر إن السيستم مجرَّد مجموعة من الأشياء التكنولوجية اللي بتشتغل في ذاتها ولذاتها، لأن جزء من السيستم هو برضه البشر اللي صنعوا السيستم، والبشر اللي بيصلَّحوه، والبشر اللي بيستخدموه.